ИСЛАНД: АВАНТУРА со кампери

EARLY BIRD ПРОМОЦИЈА – ЛИМИТИРАНИ МЕСТА ПО ОВАА ЦЕНА!

ИСЛАНД АВАНТУРА – ТУРАТА ШТО ГО МЕНУВА ЖИВОТОТ

Замисли го ова: 9 дена низ најубавата природа на планетата. Земја каде огнот и мразот се среќаваат, а секоја вечер на небото се разиграни магичните Аурора Бореалис.

Патуваме 2400 километри низ целиот остров, со камперска колона го посетуваме секое ќоше на островот – возиме низ магични пејсажи, вулкански кратери, црни плажи, водопади, глечери, кањони и уживаме во едни од најубавите термални бањи во светот!

Спиеш под ѕвездено небо, во најудобни кампери опремени за вистински авантуристи.
Секој ден – нова авантура, секоја вечер – нова приказна.
Ова не е само патување – ова е приказна што ќе ја раскажуваш и памтиш цел живот.

Ако отсекогаш си сонувал да го почувствуваш крајот на светот – ова е твојот момент.
Пријави се. Стани дел од нешто што ќе го раскажуваш цел живот!

Ден 1: Поаѓање од Скопје и пристигнување во Исланд

Поаѓање од Скопје, преседнување во Виена и лет до Исланд.
Сместување во камп во Рејкјавик.

Ден 2: Посета на Golden Circle

Вториот ден од нашата авантура започнува со посета на најпознатиот Golden Circle – уживаме во Националниот Парк Тингвелир, се восхитуваме на уникатниот гејзер и термалните полиња, уживаме покрај водопадот Гулфос, посетуваме импресивен вулкански кратер и правиме прошетка низ градчето Селфос.
Сместување во камп.

Ден 3: Јужен Брег

Третиот ден е резервиран за најубавиот дел од Исланд – Јужниот Брег! Се движиме по магичниот Ring Road, следејќи го јужниот брег каде океанот и драматичните пејсажи се преплетуваат во неверојатна симфонија.

Ги посетуваме најубавите водопади, црните вулкански плажи, магичните глечери, возиме покрај лава полиња и го истражуваме најјужното градче – Вик. Го посетуваме Националниот Парк Skaftafell, каде што се наоѓаат најголемите глечери и се сместуваме во камп.

Факултативно: Посета на Паднатиот Авион.

Ден 4: Езерото на Глечерите и Diamond Beach

Четвртиот ден ни е со пократка програма и е наменет за одмор и релаксирање.

Го посетуваме најимпресивното Езеро на Глечерите (Jökulsárlón), кое дефинитивно ќе ве остави без здив. Секако дека ќе ја посетиме и црната плажа на дијамантите (Diamond Beach), по што се упатуваме до градчето Хофн.

Се сместуваме во камп и имаме слободно време за одмор остатокот од денот. Секако дека ќе се собереме за пиво и дружба! 🙂

Ден 5: Источен Брег

Петтиот ден го посетуваме пределот каде што се наоѓа најпознатата планина Vestrahorn – место кое плени со својата природна убавина и магични пејсажи.

Во овој предел се наоѓа и рефлексивната плажа Stokksness, на која ќе ги имате најубавите фотки.

Го посетуваме Викиншкото Село, каде што се снимени некои од вашите омилени серии – Game of Thrones, The Witcher, Vikings…

Правиме кратка пауза за да пробаме од најубавите Исландски вафли, а потоа продолжуваме кон источниот град Егилштадир. Сместување во камп.

Факултативни излети:

• Посета на Викиншкото Село
• Посета на Stokksness
• Посета на Vestrahorn

Ден 6: Исландски Highlands и Фјордови

Шестиот ден нашата авантура продолжува низ Исландските Високорамнини (Highlands), каде драматичните карпи и вулкански терени креираат магични пејсажи, а фјордовите дефинитивно ќе ве остават без зборови.

Возиме низ мали рибарски селца, драматични фјордови и погледи кон океанот. Овој предел буквално изгледа како да се наоѓате во филм!

Следно на нашата рута ги посетуваме термалните полиња во Myvatn, а потоа уживаме во млечно сината боја на термалната бања која го носи истото име.

Го посетуваме најмоќниот водопад во Европа – Detifoss и магичниот водопад Godafoss.

За крај возиме кон „главниот град на северот“ – Акурејри, каде што се сместуваме во камп. После краток одмор сите заедно одиме на дегустација на викиншко пиво. 😉

Факултативно: Посета на термалната бања Myvatn

Ден 7: Северен Исланд

Седмиот ден е наменет за истражување на градот Акурејри, купување сувенири и подготовка за поаѓање назад кон главниот град Рејкјавик.

По пат правиме пауза во малото градче Боргарнес, каде што ќе го гледаме заливот на Атлантскиот Океан.

Потоа возиме низ најпознатиот мост – Sword Bridge, кој од далеку изгледа како голема сабја.

Пристигнување во Рејкјавик, сместување во камп и слободно време за прошетка/одмор.

Ден 8: Рејкјавик / Најсеверниот главен град во Светот!

Осмиот ден е воедно и последниот ден од нашата авантура.

Се одјавуваме од камп и правиме прошетка низ главниот град Рејкјавик заедно со нашите водичи. Потоа имаме слободно време за купување сувенири, уживање во исландско кафе и cinnamon rolls покрај океанот.

Најголемите авантуристи ќе имаат шанса да уживаат на егзотична тура со хеликоптер и да ги видат драматичните пејсажи на Исланд од птичја перспектива.

За крај се упатуваме кон Blue Lagoon, каде имаме време да уживаме во топлата млечно-сина вода, да ги испробаме маските за лице и да се релаксираме во комплексот.

Факултативни излети:

• Reykjavik City Tour
• Тура со хеликоптер
• Blue Lagoon

Ден 9: Поаѓање од Исланд и пристигнување во Скопје

Деветтиот ден – поаѓаме од Исланд во 00:10 часот, преседнување во Виена и пристигнување во Скопје во текот на претпладневните часови.