ИСЛАНД РЕЛАКС: Највисока сезона за Аурора Бореалис

Програма

Ден 1: Поаѓање и пристигнување

Поаѓање од Скопје во 13:00, преседнување во Виена и пристигнување во Исланд околу 23:00.

Ден 2: GOLDEN CIRCLE (Факултативен Излет)

Нашата прва авантура во Исланд започнува со Златниот Круг (Golden Circle). Го посетуваме Националниот Парк Тингвелир, чекориме помеѓу тектонски плочи на два континента, се восхитуваме на уникатниот гејзер и го посетуваме импресивниот водопад Гулфос.

Секако дека ќе дегустираме од најубавиот Исландски хот-дог и ќе пробаме сладолед од најстарата продавница во Исланд. После враќањето во хотел и мала пауза за одмор, имаме предвидено уште еден факултативен излет – прошетка низ Рејкјавик. Ги истражуваме шарените улички на градот, јадеме исландска супа во леб, ја посетуваме црквата Hallgrimskirkja и уживаме.

Времетраење: 8 часа + прошетка низ Рејкјавик.

Ден 3: ЈУЖЕН БРЕГ (Факултативен Излет)

Нов ден, нова авантура. Овој ден е резервиран за истражување на Јужниот Брег.

Ги посетуваме водопадите Seljalandsfoss и Skogafoss, чекориме под водопадот во пештера Gljúfrabúi, потоа ги посетуваме црните плажи Reynisfjara и Vikurfjara.

Се доближуваме до глечерот Sólheimajökull, а потоа правиме пауза за ручек во најјужното градче во Исланд – Вик.

По пат се восхитуваме на пејзажите, возиме покрај океанот и посетуваме и други места долж рутата.

Целодневен излет.

Ден 4: ТЕРМАЛНА БАЊА BLUE LAGOON + ГЛЕДАЊЕ КИТОВИ (Факултативен Излет)

Наутро правиме check-out од хотелот и имаме неколку часа индивидуално слободно време за купување сувенири, кафе во Рејкјавик и уживање во последниот ден.

За оние што сакаат дополнителна активност е предвидено гледање китови.

Во попладневните часови сите заедно се упатуваме кон Blue Lagoon, каде го поминуваме остатокот од времето пред летот во термалната вода.

Комплексот располага со соблекувални, тушеви, тоалети, ресторани и барови.

Ден 5: Поаѓање од Исланд и пристигнување во Скопје

Поаѓање кон Скопје кратко после полноќ, преседнување во Виена и лет до Скопје.