МАДЕИРА, ПОРТО и ЛИСАБОН: ВЕЧНА ПРОЛЕТ

Ден 1: Поаѓање од Скопје и пристигнување во Порто

Нашата авантура започнува со поаѓање од аеродромот во Скопје.

Преседнуваме во Истанбул и летаме до Порто.

Со организиран превоз се упатуваме кон нашиот хотел во Порто.

Ден 2: Факултативен Излет: Porto City Tour

Денес го истражуваме шармантниот Порто – градот на шарените фасади, тесните улички и прекрасните погледи кон реката Дуро.

Прошетуваме низ историскиот центар, ја посетуваме познатата Ribeira, легендарниот мост Dom Luís I и некои од најубавите точки во градот.

Секако, оставаме време и за чаша познато Porto вино со поглед кој се памети.

Ден 3: Лет за Мадеира + Факултативен Излет: Посета на градот Фунчал | Возење со Жичара + Тропска Градина

Се одјавуваме од хотелот во раните утрински часови.

Со организиран трансфер се упатуваме кон Аеродромот во Порто и се качуваме на авион до Мадеира.

Пристигнуваме на Мадеира и со организиран трансфер се упатуваме кон нашиот хотел.

Денот го започнуваме со пешачка прошетка низ главниот град на Мадеира – Фунчал.

Се шетаме низ шарените улички и уживаме во погледот кон океанот.

Го посетуваме центарот на градот, пазарот со тропско овошје и се движиме кон стариот дел на градот.

Следува возење со една од најпознатите жичари на Мадеира – авантуристичко искуство од околу 20 минути кое нè носи над зелените ридови до една од највпечатливите тропски градини на островот.

Уживаме во Monte Palace, опкружени со егзотична природа и ретки растенија.

Потоа следува дегустација на познатото мадеиранско вино.

По завршувањето на факултативниот излет, следува слободно време во Фунчал за ручек, кафе или индивидуална прошетка.

Ден 4: Факултативен Излет: Северна Мадеира

Денот е резервиран за нови авантури.

Започнуваме со посета на еден од најпознатите барови за понча на островот, каде заедно ќе научиме како се прави традиционалниот пијалок и ќе дегустираме.

Следна точка се природните вулкански базени во Porto Moniz, каде ќе имаме пауза од неколку часа за ручек, пливање и релаксација.

Ја посетуваме и познатата црна плажа Seixal Beach.

Потоа се упатуваме кон волшебната шума Fanal, заштитена од UNESCO и позната по своите искривени дрвја и мистична магла.

Сместена на околу 1300 метри надморска височина, оваа шума изгледа како сцена од филм.

Враќање во хотел и слободно време за одмор.

Ден 5: Факултативен Излет: Западна Мадеира

Денот започнува со посета на малото рибарско селце Câmara de Lobos, омиленото место на Винстон Черчил.

Ја посетуваме една од најпознатите винарии на Мадеира, каде ќе имаме можност да дегустираме мадеиранско вино.

Потоа се упатуваме кон Cabo Girão, една од највисоките морски карпи во Европа, каде ќе уживаме во спектакуларните погледи кон океанот.

Следно уживаме на портокаловата плажа во Calheta.

Правиме подолга пауза за ручек, плажирање, пливање во океанот и дружење.

За крај го посетуваме водопадот Cascata dos Anjos, кој паѓа директно на патот.

Правиме фотографии и потоа се враќаме во хотел.

Ден 6: Факултативен Излет: Источна Мадеира

Денот е резервиран за планинските врвови, природа и видиковци.

Утрото го започнуваме со возење до еден од највисоките врвови на Мадеира – Pico do Arieiro, на околу 1800 метри надморска височина.

Ќе уживаме во панорамските погледи, ќе прошетаме по планинските патеки и ќе имаме време за кафе со спектакуларна глетка.

Потоа посетуваме фабрика за производство на рум, дегустираме рум и уживаме на сурферска плажа.

Следува посета на малото гратче Santana, познато по своите шарени традиционални куќички.

Правиме подолга пауза за ручек.

Потоа ги посетуваме видиковците Miradouro do Guindaste и Ponta do Rosto São Lourenço.

Денот го завршуваме со плажирање на портокаловата плажа во Machico.

Враќање во хотел.

Ден 7: Поаѓање од Мадеира кон Лисабон

Во утринските часови со организиран трансфер се упатуваме кон Аеродромот на Мадеира.

Се качуваме на авион до Лисабон.

По пристигнувањето, со организиран трансфер се упатуваме кон нашиот хотел во Лисабон.

Остатокот од денот е слободен за одмор.

Ден 8: Факултативен Излет: Прошетка низ градот Лисабон

Денес го истражуваме Лисабон – градот на жолтите трамваи, шарените фасади и прекрасните погледи кон реката Тежо.

Прошетуваме низ историскиот центар и живописната Алфама, ги посетуваме најпознатите плоштади и видиковци и ја чувствуваме вистинската португалска атмосфера.

Секако, оставаме време и за познатиот Pastel de Nata.

Ден 9: Поаѓање од Лисабон кон Скопје

Поаѓаме од Лисабон кон Скопје.

Со преседнување во Истанбул, пристигнуваме во Скопје во попладневните часови.